陳嘉倩報警稱被恐嚇朱婉禎：我冇做過！

朱婉禎提到近日的風波，講到激動流淚。

哭訴與男友嘈交

朱婉禎曾演過不少劇集，父親是上市公司主席。昨日她接受訪問時否認爭仔，力數陳嘉倩才是大話精，她表示上月才知Steven與陳嘉倩曾交往，為此事問過Steven，對方指兩人已分開，朱婉禎承認有嘈交及提出分手，但「三年感情唔係話分就分」，故此仍在拉鋸中，現時心情未平復仍有失眠，期間更不禁落淚。

對於陳嘉倩報警指被恐嚇，朱婉禎否認與她有關：「梗係冇，絕對唔係我，我冇做過！梗係唔係我！唔知點解佢會咁講，可能係佢得罪人呢！佢話提出分手後畀人滋擾，咁係有所暗示，可能係想誤導傳媒令人聯想Steven，你話畀人跟，有天眼o架嘛！」對於陳嘉倩表示不知道朱婉禎存在，朱婉禎說：「佢點會唔知，佢有用Instagram問過我搵Steven。」講到有陳嘉倩向Steven箍煲短訊流出，但陳嘉倩表示被人改圖，朱婉禎說：「我有Check過Steven電話喎！佢咁講只係自保，根本冇邏輯！」

朱婉禎	朱婉禎承認有跟男友陳志遠嘈交。