黎瑞恩聲帶有窿要做語言治療

歌手黎瑞恩（小恩子）昨日到電台宣傳4月的紅館個唱及新歌《剩下光年》，大前年發現有兩個良性胰臟腫瘤後，上個月做腹部腫瘤切除手術的她稱傷口已不痛，但近日又以為喉嚨生繭，幸好是虛驚一場：「發現聲帶有個洞，要上幾堂語言治療作改善。」
黎瑞恩透露早前與仔女到韓國旅行。
黎瑞恩透露早前與仔女到韓國旅行。

工作滿檔的小恩子又被兒子傳染感冒，自言壓力大到飲咳藥水都難有睡意，但就很享受聖誕時一家三口可以聚天倫：「聖誕一家三口去咗韓國玩，好開心，囝囝同囡囡嘅學校假期唔同，難得可以一家人去旅行，仲去咗倒數。」問到女兒可會回港看她演出？她即笑道：「佢同啲同學好搞笑，喺我屋企跳Hip Hop，仲話我開演唱會就一齊跳，點知到我講真佢哋又驚。」

黎瑞恩將於4月舉行紅館騷。
  • 黎瑞恩將於4月舉行紅館騷。