開懷舊餐廳軒仔賣古董吸客

歌手張敬軒（軒仔）昨日到電台宣傳新歌《缺》，他透露今次與馬來西亞天王級音樂人合作，又落重本拍攝MV：「網上啲粉絲話係我出道以來最靚嘅！」軒仔又自爆投資不只七位數、與人合作的懷舊音樂餐廳，將於月中在灣仔開張：「準備咗年半，好想香港有番一間可以聽經典粵語歌、跳舞同食飯嘅餐廳。」他又表示餐廳將會設有古董店，當中部分貨品更加是他的私人珍藏，除了專程飛去巴黎邀請法國主廚來港準備餐點外，每晚亦會邀請歌手、藝人作懷舊演出，笑言希望孕育出新一代的朱咪咪及徐小鳳：「不過我就唔會上台喇！」