龔嘉欣讚劉江床戰有力！
藝員龔嘉欣（Katy）、陳凱琳（Grace）、朱晨麗、蘇玉華、黃浩然及劉江等，昨日宣傳新劇《平安谷之詭谷傳說》，一眾女藝人挑戰用長嘴茶壺為劉江及黃浩然斟茶，卻搞到他們濕身，場面搞笑。
Katy表示初入行時在劇集飾演劉江的女兒，今次則飾演對方的太太，更自爆兩人有不少床上戲：「劇情講我好生得，晚晚嚟搵我，但我會用方法搞到佢不舉。劉老師有心有力，畀足『戲』勢！」提到日前拍攝新劇《包青天再起風雲》時被黃子恆撻落地傷腰，她表示當時聽到「啪」一聲已心知不妙，翌日開始痛，現時彎不到身，亦穿不到襪，黃子恆已道歉，而她因忙於開工拍攝，仍未有時間睇醫生。她又笑言經常押後飯敍，考驗追求者的耐性。
蘇玉華狂谷代表作
Grace早前與男友鄭嘉穎到加拿大旅行，她大讚此行可以過白色聖誕，又可以探望朋友，亦有帶嘉穎遊覽其成長地。問到可有悶親男友？她笑說：「唔知，可能佢交到戲，好享受。」
而蘇玉華指新劇可算是其代表作，認為劇集題材新穎：「監製搵啱演員做個角色，其實已經成功咗一半，高層睇完都覺得好好睇，好有追看性。（對收視有信心？）收視好難講，但係對劇集本身個品質好有信心。」朱晨麗則透露劇中會與蘇玉華爭吵，問到可有感到壓力？她說：「初頭都好大壓力，因為我好鍾意佢，好鍾意睇佢啲戲。佢坐喺度眼神都會交戲，係一個學習機會，今次合作好開心。」
文：影視組