祖藍怕變高齡產「夫」發力造人

祖藍昨日在澳門新濠影滙出席「賞金尋龍」大型恐龍互動展揭幕儀式，宣傳片中化身尋龍特工，現場則與驚喜現身的速龍搞笑互動。

提到生日獲內地節目《奔跑吧兄弟》拍檔Angelababy、鄧超和鹿晗等拍片祝賀兼催生，祖藍表示與老婆李亞男已萬事俱備：「生B都係我生日願望嚟，今年會發力，唔好辜負呢班朋友嘅心意，因為佢哋好多個都生晒小朋友，成日講湊仔經，我Join唔到話題。」又笑言擔心遲早變高齡產「夫」，冇力湊仔！

生仔生女一樣Like

問到是否視傳宗接代為今年首要目標？祖藍指造人大計要與工作同步進行：「你要奶粉之前都要搵定啲奶粉錢！（咁多嘢做都抽到時間造人？）唔得都要得(o架)喇，都要抽啲時間出嚟！」並笑言已開始為小朋友選擇心儀學校。至於想生仔定女？他坦言很隨意：「好多人都獻計話點樣就有仔，點樣就有女，但我同亞男都覺得自然就得，生咗出嚟再算。」

祖藍摸完一輪，轉頭就用「武器」射恐龍，玩得好過癮！

放大圖片

夫妻錫錫都怕醜

另外，祖藍生日當天在內地錄節目，亞男除了與李媽媽合力煮住家飯外，又偕王媽媽等人炮製驚喜，為老公送上蛋糕及同事自製的生日卡。祖藍與亞男徇眾要求深情咀嘴，雖然已結婚兩年，但表現依然有點尷尬，令同場的杜麗莎及女兒T.V. Carpio（梅天悅）笑個不停！