由迪士尼清純童星轉型行性感的20歲美國女星Bella Thorne，去年回應網友留言時承認曾被性侵，近日再爆詳情，指年少時被性侵與虐待直至14歲，言談間指對方夜晚偷偷潛入她睡房，疑為身邊人！
Bella近日於社交網Instagram公開被性侵的細節，響應「時辰到」（Time's Up）反性侵行動，她留言道：「自有記憶開始就被性侵同虐待，直到我14歲，終於有勇氣夜晚鎖住道門，頂住道門坐咗成晚，喺度等嗰個人會唔會再佔我便宜。我曾經好多次等呢種事情停止，最後都停咗。但我哋有啲人冇咁好彩可以逃脫到，請大家今日為所有被不當對待嘅靈魂企出嚟。」
Bella後來於Twitter補充：「我成長時一路唔知咩係啱、咩係錯，唔知夜晚偷偷入我睡房嘅人係壞人。」似乎施暴者為Bella身邊人甚至親友，不少粉絲留言為她打氣，其後Bella上載短片，邊哭邊做勝利手勢，鼓勵大家要堅強，並留言多謝粉絲於留言與她分享經歷。
此外，出爐金球獎喜劇/歌舞片組影帝占士法蘭高（James Franco），日前戴「時辰到」（Time's Up）襟章出席頒獎禮撐反性侵行動，不過一稱帝即接連被爆性醜聞，繼女星Ally Sheedy於社交網暗示被占士性侵，另一女星Violet Paley亦於留言寸占士戴襟章的行為虛偽，自爆被男方於車上強迫口交，又指占士曾引誘她年僅17歲的朋友上酒店房！Violet後來澄清當時與占士為情侶關係，僅指當時不願口交。至於占士則暫未有回應，前日他現身洛杉磯機場時笑容滿面，為粉絲簽名。
文：外娛組