蘇韻姿拆走圍牆攻陷阮政峰

蘇韻姿及阮政峰無論幕前幕後的合拍程度都爆晒燈，十足十真情侶一樣大晒甜蜜，到底二人是日久生情、假戲真做還是以假亂真呢？兩人日前首次以「情侶檔」受訪，表現親暱之餘，更不時攬頭攬頸，互讚對方優點！蘇韻姿指阮政峰十分細心：「有時我拍緊嗰場戲唔明，佢會主動問我，作為新人，有人幫自己係好開心。」

互笠高帽

至於阮政峰則直言十分欣賞蘇韻姿，更指未來大有發展可能，他說：「佢係一個好強嘅女仔，佢一個人由多倫多過嚟，參加選美繼而留低工作，要重新適應環境，但佢又唔怕。（有發展空間？）實有可能發展，將來嘅事冇人知，唔會抹殺任何一個可能，但呢一刻大家係好嘅工作拍檔。」阮政峰又續說未正式了解他的人，總會覺得他內心有一道牆難以交心：「但蘇韻姿樂觀性格打破咗，所以我同佢可以交心做朋友。」

兩人早前拍片跳舞，阮政峰更疑親吻女方面珠。	蘇韻姿與阮政峰合拍度爆燈，十足十真情侶。	兩人在《愛．回家之開心速遞》中的情侶形象入屋，難道真的拍出愛火？

形象入屋

提到二人被網民大讚外形登對，二人笑言：「大家覺得襯，係因為我哋在劇落嘅苦功開始見效，所以大家睇得開心，我哋都好開心。」

文：專案組　

攝：吳文聰

場地：Mini Hotel Causeway Bay