胡楓86歲玩突破長青狂舞
藝人胡楓為2月初舉行的《胡楓86破晒紀錄演唱會2018》積極備戰，獲一眾好友擔任嘉賓以靚聲支持，昨日率先約嘉賓張家輝練歌。作為在紅館開騷的最高齡歌手，胡楓今次玩突破，預告將學習新舞步，屆時會又跳又唱，寶刀未老！
將於本月18日踏入86歲的胡楓最近積極排練2月10至11日的個唱，表演嘉賓包括曾推出兩張唱片的好友張家輝、劉美君及張達明等，其中張家輝更是自薦，揚言要跟胡楓在紅館舞台慶祝86歲這個難忘時刻，更為此專誠約胡楓及演唱會音樂總監齊集錄音室練歌。至於胡楓的契仔黎明及張學友，雖然演唱會當日因工作未能出席，但已準備了驚喜。
K房備戰 最驚忘詞
除了去錄音室練歌外，胡楓亦有去K房邊跳邊唱，一口氣連唱多首經典金曲，他說：「上次80歲演唱會冇跳，今次就一定要跳，仲搵咗排舞師，好期待學新舞步，有隻獨舞，有隻就同森森、斑斑跳，希望大家睇得開心！」
為了準備演唱會，胡楓戒吃煎炸食物，多飲湯水和食蔬果養聲，他笑言唯一擔心的就是忘詞：「上到台我都盡量唔睇提詞機，要練記憶力，如果到時真係唔記得，笑吓就冇事！」
文：音樂組