雷莊𠒇出戰華姐當負評透明
應屆港姐冠軍雷莊𠒇自去年當選後，樣貌經常成為外間討論焦點，昨日她以香港代表身份出席華姐記者會，揚言不擔心樣貌再受批評，更指男友屆時會一早起床在電視機前為她打氣！
港姐冠軍雷莊𠒇將以香港代表身份，參與下月3日舉行的《2018國際中華小姐競選》，昨日她偕同屆港姐何依婷、黃瑋琦、張寶欣及去年的華姐冠軍余思霆出席記者會，獲贈蜜糖、沐浴用品及頸巾打氣。
大戰在前，雷莊𠒇透露會像選港姐一樣，以輕鬆心情面對，未有給自己太大壓力。問到可有準備撒手鐧？她說：「有準備幾個才藝表演，唔係唱Opera，但係秘密唔講得住，我喺聖誕節之後開始練習。（擔唔擔心樣貌再被人批評？）No！本身都唔睇呢啲嘢。」更指身在加拿大的男友，屆時會一早起床於電視機前捧場。而身形Fit到爆的她，透露平日也有做Gym，故未有特別為賽事Keep Fit。
余思霆寄語Relax
至於余思霆被問到可有Tips給師妹？她說：「叫佢放鬆啲，唔好緊張，最緊要自然。（就嚟卸任唔捨得？）唔會，反而開心，睇到咁多女仔同我一樣有呢個夢想，我卸任後都會繼續留喺TVB，最近拍緊新劇《好日子》。（學廣東話？）比起半年前完全唔識講，依家已經進步好多，起碼傾偈講嘢冇問題。」與組合天堂鳥成員歐鎮源（Tyrese）拍拖的她，笑言未有因工作而忽略男友。
文：影視組