出戰《百萬富翁》江若琳爆Oscar驚丟架
歌手江若琳（Elanne）昨日和男友「生煎包王子」蕭潤邦（Oscar）到大埔出戰陳志雲主持的亞視節目《百萬富翁2018》慈善版。問兩人事前有否做定功課？他們即直認沒有，Elanne更笑指男友好怕丟架，所以考慮了一段時間才答應參與拍攝：「佢仲問我哋會唔會最後連一百蚊都冇！」又希望可以贏到三萬元或以上，為慈善出一分力。
Oscar則笑謂想頭幾條題目放一放水：「即係媽咪係女人定男人嗰啲，因為尋日有朋友問我屈原喺邊度自盡我都答唔出。」又笑指就算出動「打電話問朋友」錦囊都沒有用，因為朋友和他一樣讀書唔叻，令Elanne即說：「最緊要係佢哋唔好講粗口！（冇搵定心水朋友？）隨機，啲朋友同我哋一擔擔，都係九唔搭八！」