蔚雨芯胸壓老虎被轟「同強姦有乜分別？」
「魔鬼胸」蔚雨芯日前在社交網上載跟疑被打麻醉針的老虎互動短片後，即遭網民爆粗群插形同「迷姦老虎」，但她強調沒有助長不人道對待動物之意：「我以為老虎瞓咗覺！」更為無心之失公開道歉及反省。
蔚雨芯（Rainky）日前在其官網上載一條跟老虎合照的短片，片中的老虎，無論被Rainky橫抱胸壓，甚至乎捉尾巴，都全程合埋眼零反應。有網民爆粗留言斥她上載此片等同鼓勵人倣效，令更多動物受到傷害，如被打麻醉針等：「好明顯係人為令到佢（老虎）冇反應，仲要Po條片出嚟」、「枉為人，你自問畀人迷暈之後任摸又得唔得？咁同強姦有乜分別？」、「為咗你班X街要同佢自拍呃嬲，佢受幾多苦。」
欠安全意識
昨日Rainky接受訪問時稱當日是陪朋友到泰國的動物園參觀，見朋友跟老虎拍照才影埋一份，對於老虎似被打了麻醉針，她說：「我以為佢瞓咗覺咋！不過隻老虎應該冇被打麻醉針，因為我朋友同佢影相時，隻老虎係坐喺度嘅，啲動物園職員都話唔會同動物打針。」
因過往不時發生遊客和動物合照時被攻擊的新聞，問到可擔心安全？她說：「當時我冇諗咁多嘢，睇片都睇到我好驚，只係個訓練員好惡咁叫我做呢樣做嗰樣，我咪跟住做囉，同埋嗰隻係老虎BB，又有好多訓練員在場。」不過，事後她亦坦承缺乏安全意識，而令她最悔疚的是沒有考慮到可能會助長動物受傷害的問題。
道歉刪短片
Rainky稱今次是無心之失，強調冇傷害動物之意，她誠懇地公開道歉：「我會反省同接受批評，我都有養狗仔，都好愛護動物。」她呼籲大眾要愛護動物，更刪除抱老虎的短片以表悔意。
另外，Rainky之前隨慈善團體到柬埔寨做義工幫手起屋，雖然日曬雨淋，但她學會何謂「柬」單生活，她撰文：「節約能源、懂得去珍惜我們擁有的，這些大家都知道，但偏偏能夠做到是少數人，很有意義的旅程。」
文：音樂組