黃翠如低胸抗寒借「小六」呃Like
藝人黃翠如、丁子朗與森美昨日到九龍灣出席寵物食品活動，翠如無視低溫警報，穿低胸裙亮相。她表示與家人育有愛犬「黃小六」，笑言經常借狗呃Like：「係細妹領養返嚟，點知佢深受爹哋媽咪喜愛，我哋五姊妹，所以佢就排第六。（將來帶埋愛犬出嫁？）父母唔會畀o架，因為小六係家中唯一男丁。」
而子朗與狗女互動時慘被無視，他即自嘲不懂女士脾氣，故沒有女友。之後翠如踢爆子朗食量驚人：「我都出咗名大食，估唔到佢仲擦得！」子朗笑說：「好彩依家着厚衫遮到肥肉，之後瘦番又可以再食。（鍾意大食女？）都係，我好怕同啲食兩啖就嗌飽嘅女仔食飯。」
