樂隊Mr.低音結他手Dash日前37歲牛一，上載慶生照讓女友正式曝光，大方認愛的他透露女友是圈外人，記者大讚她靚女，他笑說：「如果你話佢靚女嘅話，佢會開心（口架）。（點解唔係二人世界？）成班人一齊慶祝熱鬧啲、高興啲，我女友同啲朋友相處得幾融洽，咁咪一齊開心。（女友送咩禮物畀你？）我哋3月去日本睇椎名林檎演唱會，因為女友好鍾意佢，我出機票，女友話請我睇演唱會。」更直認有意成家立室，因為其孖生細佬已有一對仔女，他笑說：「都係時候到我喇啩。」但希望事業更有成才結婚。此外，今年是Mr.成軍10周年，他透露樂隊將有連串計劃。