羅伊婷蔗渣價錢着出好品味
予人開朗活潑印象的ViuTV美選冠軍羅伊婷（Daisy），搬屋前每日都喜歡拍攝當日造型，發現其衣着品味多變，可愛、民族風、斯文或Punk Look都有，身形纖瘦的她每種風格都能駕馭！問到穿衣心得，Daisy表示不會被任何Style限制，她笑說：「多數喺衣櫃搵到咩就着咩，有時啲衫放咗幾年，咁啱見到又襯到，就會拎返出嚟Mix and match。」
Daisy擅於將蔗渣價錢着出燒鵝味道，例如其中一身民族服就相當便宜，但整體造型非常有特色：「條褲只係10蚊，喺二手店買，闊褲喺夏天着特別舒服，白色Tee有腰果花圖案，大笨象袋喺泰國買，加埋耳環同頸鏈，成件事好襯，綁頭巾就因為冇洗頭，又唔襯戴Cap帽。」至於另一套騷長腿Look，她說：「黃色衫好鮮色，令人好開心，對大耳環同袋喺泰國買，加埋涼鞋同袋，就有民族風感覺。」
