J.Arie演殘疾運動員
歌手J.Arie（雷深如）和演員胡子彤，最近在短劇中飾演殘疾運動員，二人昨日下午出席該劇的首播儀式。J.Arie飾演有輕度智障的雪鞋競走運動員，她自言平日不時被朋友笑是「傻傻哋」，但就不諱言拍攝辛苦：「要拖住對雪橇喺沙灘上面由朝早6點跑到下晝6點，體力要求好大，跌到成隻腳瘀晒，烈日當空又驚中暑。」
相反胡子彤就輕鬆得多，他坦言自己有運動底子所以體力上都能應付到，但亦有受傷：「第一次唔識戴欖球墊，撞埋去搞到膊頭受傷。（女朋友歐鎧淳有冇呵番？）冇呀，佢淨係話『哦，係咩。』」他又表示希望繼續學手語幫助有需要的人。