王祖藍化身007被恐龍追到氣咳

祖藍開頭勁淡定，擺晒甫士話要捉恐龍。

避走入木箱

祖藍最近為澳門新濠影滙「賞金尋龍」恐龍展覽拍攝了一段短片，片中他要尋找恐龍，原來並非自己要生化骨龍！祖藍在片中使出拿手扮嘢本領，由辦公室戇男變身最強特務007出動捉恐龍，當他擺出007招牌甫士時，顯得胸有成竹，但最終被巨型恐龍窮追要避走入木箱，與恐龍齊齊被送走。

自爆最驚老鼠

祖藍接受電話訪問時表示，片段在內地拍攝，當日氣溫低至攝氏零度，他還要在室外跑來跑去，大嘆搵錢艱難：「嗰日好凍呀，我仲要喺條街跑嚟跑去扮畀恐龍追，都好辛苦！片中雖然我要好驚咁，但諗起個樣其實好可愛，一啲都唔驚，反而我最驚係老鼠！尋晚我喺屋企先捉咗隻老鼠，老婆亞男嚇到尖叫！」

王祖藍	點知一見到恐龍，祖藍嚇到目瞪口呆！	大家都好期待祖藍同亞男快啲造人成功！

文：影視組