蔚雨芯傷頸變「機械人」
歌手蔚雨芯（Rainky）、太極樂隊成員雷有輝與鄧建明、陳偉琪、迪子等前晚出席網台活動。Rainky自爆排舞時不慎扭傷頸，要跌打醫師貼中藥療傷，現時似足機械人：「除夕夜睇煙花都要挺直身，最麻煩係轉身要成個身轉，希望快啲冇事，因為要排舞同之後要拍劇。」
而雷有輝和鄧建明透露積極籌備4月的演唱會，現有些新構思，他們形容：「好似砌緊好勁嘅遙控車準備放咁。」另外，二人表示不知另一成員Ricky與戴夢夢是否翻撻，提到二人被指一齊睇樓，鄧建明說：「睇樓應該係以經理人身份，唔係一個咁私有化嘅嘢。（有冇聽聞復合？）唔敢聽，聽咗死罪。」