姚子羚（抓）朋友借衫黎諾懿最低工資得$1,500

藝人姚子羚、黎諾懿與唐詩詠當年同期出道，還一齊拍攝首套無綫劇《當四葉草碰上劍尖時》。談到兩人有否跟詩詠相同的遭遇，如人工超奀，子羚說：「應該冇三千幾咁少，但都唔夠畀錢屋企！（好過詩詠？）佢好彩啲，哈哈！有人幫佢加人工喎！我就由低做起，嗰時冇錢畀屋企，屋企人都有微言，所以嗰時點樣捱苦，都唔敢同屋企講！好似冇錢買衫出騷，惟有問朋友借衫，最慘係拍攝時捱更抵夜，碰碰撞撞搞到周身瘀傷，自己匿埋喊都唔敢同屋企人講！（有冇人幫？）當年有錢國偉搵我拍《四》劇，之後遇到監製陳維冠同文偉鴻，佢哋將我由柔弱角色轉去演強悍角色，多咗好多機會！」