志雲讚人才：一定會挽留
唐詩詠在電台節目上感謝陳志雲助加薪，他接受本報訪問時坦言詩詠當時薪酬的確少：「佢之前唔係經理人合約，後來轉咗合約關係，中間都有經過我，但唔記得太清楚。」又讚詩詠是個人才，即使自己當時不在位，無綫都一定會挽留她：「我只係做我應該做嘅事，做呢行唔容易，初初要捱嘅日子係辛苦，我希望佢加油。」問到有否其他藝人要求加薪，他坦言一定有。
另外，志雲昨日到大埔亞視總台錄影《百萬富翁2018》，嘉賓包括尹光、前亞視藝人周嘉莉及陳綺明等。志雲笑言緊張到腎上腺素不停上落，又讚嘉賓甚有娛樂性。陳綺明以「百般滋味在心頭」來形容今次重返亞視，透露雙方有洽談合作，自己比較想做主持。