掃Stephy裸背床戰Gaile 古天祥驚有反應醜死鬼！
藝人古天祥在新片中艷福無邊，掃鄧麗欣的裸背、與樂基兒床戰、被周秀娜錫面，戲中一腳踏幾船被稱「渣男」，雖然輪流與三位美女激戰，他直認不敢太投入，因為擔心「身體最誠實」怕有生理反應！
中西混血男模古天祥在新片中做一腳踏幾船的賤男，與三位女主角都有情慾戲，其中與樂基兒（Gaile）最激，二人在梳化肉搏，揸屁股攬腰樣樣齊，他與Gaile認識十多年，拍攝時十分尷尬：「我冇着衫，Gaile就着Top，當初就住就住，反而係佢叫我大膽啲，之後幾Take就順利完成！」他直認與Gaile拍情慾戲時不敢全情投入，因擔心「身體最誠實」有生理反應就尷尬！
見裸背大吃一驚
令他最驚喜的，反而是鄧麗欣（Stephy）裸背上陣，古天祥表示拍攝前並不知道Stephy會半裸上身，直至埋位時見到Stephy的白滑美背，大吃一驚，直言她入行多年都未試過拍攝如此大膽的戲份，他說：「角色入面佢係大婆，劇情交代我哋啱啱親熱完，我掃佢背脊！」反而周秀娜最密實，未有性感演出，不過他亦獲女神錫面！
怕女友會眼火爆
在戲中艷福無邊，現實中的古天祥卻相當頭痕，擔心拍拖3年的女友會不開心，因工作關係身邊不時出現靚女，女友擔心亦正常：「佢講過有啲唔開心，但明白係我嘅工作，所以開工都盡量帶埋佢去探班，畀佢了解吓我嘅工作環境，等佢知我唔係玩玩吓。（女友呷醋點解決？）唔使開工我都陪佢，等佢有多啲安全感。」不過，他打死都不肯帶女友入場睇新片，擔心女友眼火爆！
文：影視組