林奕匡想送禮被老婆截胡

歌手林奕匡(Phil)昨日出席第15屆「香港冬季購物節」及「香港冬日美食節」活動,獻唱歌曲之餘,還跟現場觀眾大玩遊戲及進行抽獎環節。Phil表示聖誕節與一大班朋友慶祝,更親自切火雞。他笑言在交換禮物中抽到最差的一份,但就沒有跟太太李靄璣(Rikko)交換禮物:「本身佢有個袋好鍾意,但佢自己買咗,問佢又話唔使,不過最後都買咗對鞋畀佢。」

另外,Phil亦有送智能手錶給同事:「都係小小心意,因為佢哋唔止係同事,仲係好朋友,上年就送咗有紀念價值嘅澳洲銀幣,係有祝福嘅意思。」