胡鴻鈞明年歐遊唔預許廷鏗?

歌手胡鴻鈞(Hubert)昨日與譚嘉儀出席聖誕活動,Hubert獻唱時更落台與粉絲握手合照。他透露前日聖誕節與朋友燒烤:「我哋每年都有個傳統,25號正日會約出嚟搞大食會。(傳緋聞嘅許廷鏗有份?)有,仲有陳慧敏,好多人。」嘉儀則指當日下午工作,晚上去了朋友家開Party,笑言抽到200元現金獎。

問到可有追求者約過聖誕?嘉儀大呻:「冇,林師傑有喺音樂節目度幫我招親,辛苦佢,招極都招唔到。」Hubert則表示打算明年初待頒獎禮完結後去旅行:「但唔知可唔可行。(想去邊?)歐洲,想去兩至三個星期。」問到會與誰去?他笑言:「一班朋友。(有冇許廷鏗?)真係未知,又許廷鏗?我仲有其他朋友(口架)!」