芬蘭轉機行李冇飛？文詠珊冇衫着凍病！
藝人文詠珊於本月29日29歲生日，其金融才俊男友吳啟楠原本安排兩星期的北歐看極光旅程為她慶祝，浪漫假期已經展開，不過昨日凌晨她卻在社交網訴苦，稱由芬蘭飛抵俄羅斯後，發覺五篋行李被丟失，失去所有保暖衣物和藥物，等了兩日後，航空公司的回覆仍然是「不清楚」，文詠珊發文說：「這是一個合理的回覆嗎？」當地天寒地凍，她亦因而凍病。
呻冇藥食
文詠珊昨日受訪時仍嬲嬲豬地說：「我哋同埋一班朋友去，已經兩日，我依家喺俄羅斯，之後仲要去芬蘭、挪威同冰島睇北極光，預備咗好多保暖衣物全部冇晒！撞咗聖誕節，所以呢兩日變得好狼狽，好似冇人做嘢、冇人理，一直都話no information，連續兩日打電話都冇人聽，一接電話就好唔耐煩咁話唔關佢哋事，叫我哋自己問番機場，真係唔負責任到我冇辦法接受。我都凍到病咗，啲藥又全部喺行李度，呢個聖誕節真係太難忘！」她按原定行程再飛返芬蘭，在機場遇上之前同機的幾名美國人，才知同機起碼有八、九人的行李跟他們同樣被丟失。而當她昨晚抵達芬蘭，終與五篋行李「重逢」，行李看似原封不動冇飛過，雖然有點動氣，但失而復得的文詠珊坦言開心，不忘晒V拍照留念。
