周倩圯大把人追：仲有選擇！
「神隱」了一段時間的名模周倩圯（Samantha），日前外出買禮物給自己及親朋好友，有近視的她特地到眼鏡店搵心頭好，原來她收藏了逾百副眼鏡：「我除咗Con就要即刻戴眼鏡，唔可以冇安全感，視線一定要好清晰。」她難忘有年聖誕在日本睇住雪景浸溫泉，而今年則在港與朋友搞大食會，她自爆曾交換到一份意想不到的禮物：「抽咗個垃圾桶，非常唔掂，即刻畀番送嗰個人！」
Samantha直言很多人以為她已退出幕前，其實她之前因工作忙而緊張，導致腸胃不適要不停出入醫院，幸現已痊愈：「其實好多客戶搵我做嘢，奈何身體未準備好，要推咗好多工作，希望2018年有新開始，遇到啱嘅工作會嘗試。」問到何時與形象指導男友郭慶彬（Ricky）拉埋天窗，她竟指雙方未有共識：「依家都幾多追求者，仲有選擇。（唔怕佢嬲？）唔會啦！我有人追都會話佢知，從來唔會收埋。」
場地：BLACKZMITH OPTICAL