王君馨廁板贈老公

藝人王君馨（Grace）與曹永廉昨日到油塘出席活動，Grace自爆平安夜瘀事：「諗住畀啲新意，焗個蛋糕食，點知原本焗40分鐘OK嘅蛋糕，我焗咗3個鐘先熟，食落去，我覺得味道可以接受。（老公有咩食評？）佢食咗一啖話：『不如買個現成啦！』（咁大膽？）可能佢見我個樣好煩惱至咁講。（聖誕送咩畀老公？）一直搵緊一個暖嘅廁板，不過仲未買到。」
王君馨畀足心機焗蛋糕，怎料被老公潑冷水！
王君馨畀足心機焗蛋糕，怎料被老公潑冷水！

曹永廉等食和頭酒

至於阿廉被問到在無綫節目《公公出埠》中，被指與蕭正楠鬧出「真火」，他直言：「係呀！拍嗰陣真係有火！但即晚已經冇嘢，仲約出去飲嘢。（阿蕭話唔使氹你，唔搵你幾日，你就自動上門？）咁我哋的確係日日有聯絡，同佢日日喺電視城見添！（要佢擺和頭酒？）都唔錯，黃浩然可以攞埋啲花膠嚟，煮埋就有誠意啲！其實幾個男人去旅行係開心嘅，又有火花，我哋幾兄弟熟呀！度緊下次想去瑞士滑雪，睇大家時間！」

文：影視組

買「現成」好過啦！（設計對白）
  • 買「現成」好過啦！（設計對白）
王君馨與曹永廉泵波時論論盡盡。
  • 王君馨與曹永廉泵波時論論盡盡。
擔任司儀的梁嘉琪穿上花花裙，甚有節日氣氛。
  • 擔任司儀的梁嘉琪穿上花花裙，甚有節日氣氛。
曹永廉落台與Fans握手，勁Nice。
  • 曹永廉落台與Fans握手，勁Nice。