李泳豪兼多職做埋助手
藝人李泳豪昨午出席前工展小姐李婷婷推出慈善月曆的活動，泳豪透露近日忙爆，拍劇、操拳、賽車之餘還充當父親李家鼎助手：「主要係爸爸好攰，有時幫佢揸吓車、睇頭睇尾咁，佢顧唔到咁多。如果返內地工作，有我喺度佢會定啲。」
自言廚藝不及爸爸及哥哥的泳豪，近日開始積極學廚：「因為唔想失傳，起碼要學到爸爸嘅撚手生炒糯米飯同生炒骨，亦想學到佢嘅刀功。哥哥精煮西餐，佢十幾歲煮牛扒用醬汁已經好講究。」
至於李婷婷膽識過人，對賽馬興趣特濃，更開Live講馬貼馬，刀仔鋸大樹幫馬迷貼冷馬。稍後她會與泳豪一起去東京參觀賽車場。