千嬅化身月老牽紅線
楊千嬅平安夜在紅館開騷與粉絲共度，她特別換了三套靚靚新衫登場，觀眾熱情得大叫「唱到12點」，千嬅笑說：「冇向紅館申請呀，你哋買31號張飛嘛，咁就一齊倒數！」當唱《可惜我是水瓶座》時，千嬅換上黑色單袖貼身長裙，身材弗到爆！她笑說：「今晚有冇人係識咗新朋友買飛帶佢嚟睇，想發展吓o架？好多男女睇我演唱會搞掂咗，我助手都係睇我演唱會識咗佢老公，結婚生仔，好旺o架！」觀眾席有人大叫「有」，她即笑說：「我唱咗兩個鐘咋喎，就變咗男女朋友？我啲歌真係好勁！」
之後千嬅換上白色裙襬猶如巨型聖誕掛飾的裙，誇張又搶眼，她又分享老公丁子高教她的減壓方法，她說：「有次我做嘢好忟，丁生就叫我坐低冷靜吓，合埋對眼深呼吸，諗住由腳板底開始向上感受吓，雖然我冇成功連接到我身體，但佢成功『連』埋我把口！你哋都可以試吓，原來呢種『冤』都可以增進感情！」全場爆笑。
