幫女搵學前班 關心妍首選近屋企
歌手關心妍（Jade）昨日以表演嘉賓身份出席活動，她表示得悉活動能夠幫助老人家和小朋友可以有飽暖，甚有意義，故聖誕節都暫時放下女兒楊榮心，前來工作，而晚上原定的內地工作因改期，故可以參與囡囡的契爺契媽舉辦的聖誕家庭派對。
講到聖誕禮物，Jade表示送了一份實用禮物給老公，但未有買給女兒：「好多人送禮物畀阿女，唔想浪費，百日宴好多禮物都未拆要捐畀人，畀太多嘢佢，佢會唔珍惜。」她透露女兒下月開始為學前班面試，感到緊張，而她只為女兒選擇一間近屋企的學校：「睇佢讀唔讀到先，如果唔收就等幼稚園，唔想佢咁細就去咁多地方面試咁慘。」