蔡思貝「剷死皮」迎新年
蔡思貝、劉佩玥（Moon）及何廣沛昨日出席活動，吸引大批Fans圍觀，思貝在台上以「去死皮」形容新一年想去舊迎新，猶如新一代金句王，她解釋說：「係希望啲唔好嘅嘢好似死皮咁剷走，重新開始。（死皮係指是非同緋聞？）係啦！好似近期傳少咗緋聞，希望新一年大家都專注我工作。」講到近月傳她與排舞師麥秋成分手，思貝承認今年是單身過聖誕，跟家人度過。
對於張振朗意外受傷，思貝望他早日康復，又笑言願為他做武打替身，振朗即笑她是「女版成龍」。
而現場眾藝人輪流晒歌喉，Moon獻唱全台花旦都喜歡唱的國語歌《小幸運》，令人聽出耳油。