星女郎蔡佩賢擇偶要睇麒麟臂

模特兒蔡佩賢（Kitty）不止一次為拳王曹星如的拳賽擔任Ring Girl，獲封「星女郎」，網友激讚她身形Fit爆零贅肉！Kitty表示現場觀戰拳拳到肉，相當刺激，同時被曹星如的鬥志感動，感染到自己亦有學拳，認為是Keep Fit的最佳方法：「其實我食好多嘢，所以要做更多運動，打拳之後肌肉線條都好啲，背肌、腹肌、臀部都要練，反而唔會想胸部特別大。」她表示擇偶要運動型，如果似「美國隊長」或彭于晏般健碩就更加分：「有強勁臂彎好啲，感覺保護到自己！（要好打得？）咁平日好少需要打交嘅，運動叻已經好吸引。」