吳君如處女執導被嘲小學雞

東網巨星節目《娛樂onShow》邀得吳君如、吳鎮宇及方中信接受主持人陳振安訪問，三位好戲之人早前拍攝新戲《妖鈴鈴》，原來這齣電影是君如首部自導、自演的作品，問到為何越級挑戰做導演？她坦言一直希望拍攝喜劇題材的電影，又笑指自導自演有着數：「可以有兩份人工攞好開心，因為呢幾年我為咗新戲，兩年先拍一套戲，真係有啲手緊，所以搵埋佢（指陳可辛）掛名做監製。」

吳鎮宇踢爆全家搵銀

吳鎮宇踢爆君如囡囡亦有份幫手，笑言對方一家人賺三份錢賺到盡。談到陳可辛自願為新戲擔任監督工作，出心出力撐另一半，但君如未有冧爆，反而大爆對方對她冇信心：「我喺陳可辛眼中係小學生程度，佢話（聽到）我要做導演好驚，一定要幫我睇住，我同佢講『你掛個名得喇，返屋企湊女，唔好阻住我』，但佢真係幫到我，為套戲好好把關。」

吳君如同成班喪屍鬥嚇！	吳君如的造型相當搞笑。	方中信「禿頭」禿足四十多天，他大嘆「洗濕咗個頭」惟有捱落去。

方中信「禿頭」嗌過癮

今次君如誠邀兩位型男為新戲坐鎮，卻為他們「度身訂造」搞笑造型，其中方中信更犧牲色相扮禿頭，他笑說：「第一次見到禿頭造型覺得好過癮，但當時冇考慮到要禿成四十幾日，不過洗濕咗個頭，惟有焗住捱落去。」吳鎮宇則為了令喜劇效果更突出，無時無刻Chok爆擺甫士，被君如笑他是本色演出。究竟吳鎮宇及方中信對新進導演吳君如有何評價？他們會否有投訴？請立即Click入東網巨星收看《娛樂onShow》！

文：專案組

方中信、吳君如服裝：DIESEL、Sacai（Lane Crawford）

吳君如化妝：Midco Chu

吳君如髮型：Seiko Sin @ Hip Hair Culture

https://goo.gl/GPRMh4