陳志健「餵」妻！法國品味遊

藝人陳志健（Otto）早前與老婆羅苡之到法國飲喜酒，並順道歐遊，他說：「因為有個同學喺法國結婚，我同老婆就過去觀禮，順道喺嗰邊吃喝玩樂玩咗幾日，去咗巴黎鐵塔，又去咗啲法國酒莊參觀同品酒，酒莊區有好多好靚嘅堡壘，好有藝術氣氛，我覺得法國人無論藝術、飲食方面都好有品味。」
陳志健與羅苡之品嘗美酒佳餚。
陳志健與羅苡之品嘗美酒佳餚。

陳志健表示此行比較特別是自己坐火車再車駁車去酒莊區：「結果可能時間預得比較緊迫，搞到錯過咗班車，坐下一班車嘅話，會比原定時間遲三、四個鐘，結果我哋改咗坐Uber，雖然係有少少阻滯，但總算冇太大嘅壞事發生，算係個難忘經歷，又見識多咗！」

陳志健與羅苡之在堡壘前留影。
  • 陳志健與羅苡之在堡壘前留影。