余香凝鍊車有陰影
藝人余香凝與廖子妤亮相奇妙電視節目，在室內賽車場度過「極速」聖誕，進行大決鬥！早前遇上交通意外的余香凝坦言仍有陰影：「最驚係發生之後嘅第一個月！或者每次經過條路都會諗起，好緊張。」她指過去這年犯太歲，那次的交通意外幫她擋一擋，相信之後會順風順水。而身為好友的廖子妤則表示余香凝有福氣：「唔使輔導佢！佢過咗個大災難！係叫佢珍惜生命。」
講到準備聖誕禮物給另一半，兩女都愛手作禮物，廖子妤自爆當年在馬來西亞，曾親手織頸巾給另一半，但她笑言對方冷待其心意：「條頸巾最後只係放咗喺電視上面冇人理，因為其實喺馬來西亞都用唔到頸巾！」
而余香凝則分享初戀回憶：「我第一個男朋友當時係考警察，唔係每個星期都有得見面。當年聖誕前冇得見，我就每日寫一張聖誕卡，寫到見面當日送畀佢。」對方為此而感動落淚，令余香凝很有滿足感。
