王寶葆日式牛肉飯 倒模餐廳美食
東網巨星節目《星級煮意》邀得藝人「春卷」王寶葆（前名王宝宝）擔任嘉賓，炮製「日式牛肉飯」，為大家示範在家也能做出日式料理，味道絕對不遜於餐廳。
曾擔任無綫節目《美女廚房》「美味天使」的王寶葆，其實私下亦是美女廚神，平日喜歡下廚煮兩味，並擅長西餐及日式料理。
外遊例上烹飪班
熱愛烹飪的王寶葆更有個小習慣，每次外遊都會參加當地的烹飪班，學習異國料理，難怪廚藝了得，她說：「我每次去第二度旅行都會上烹飪班，好似之前去泰國度假，亦參加咗幾個烹飪課程，學煮唔同風格嘅泰國菜。」
王寶葆今次為「大家樂特約」《星級煮意》示範「日式牛肉飯」，她自言是偷師而來，複製餐廳美食。她大方分享箇中秘訣：「其實呢道菜唔需要好名貴嘅材料，只要揀薄身、較多肥膏嘅牛肉，就會好食，如果想啲牛肉更入味，記得先炒軟洋葱，等啲香味散發出嚟，然後再煮牛肉就OK。」
陳倩揚：加味醂更入味
「Cooking Mama」陳倩揚則分享一個小貼士，就是可以加入味醂（甜糯米加麴釀成的調味酒）及日本豉油作調味，會令「日式牛肉飯」更入味。
《星級煮意》每集均請來不同藝人名人親自下廚，包括陳嘉桓、胡琳及林泳淘等，其他陸續登場！《星級煮意》在東網App及東網網頁播放，大家可隨時隨地收看及重溫。
文：專案組
場地：美亞廚具