黃文意恨聖誕破Dry

黃文意（Mandy）早前被爆家底富裕，其父坐擁至少10億身家，作為「億萬千金」的Mandy自然生活無憂，其父亦為愛女的教育費盡苦心，安排她入讀英國貴族學校。自小在英國長大的Mandy，每年都過白色聖誕，她憶述第一次遇初雪的浪漫經歷：「有一年聖誕天氣唔好，本來以為唔會落雪，點知一放學就見到有雪花飄落嚟，係我人生第一次睇雪，真係好靚好難忘，可惜當時冇另一半喺身邊。」

唔想一班人過節

單身3年的Mandy笑言恨拍拖，希望今年有伴過聖誕：「最希望今年有人約我出街，帶我去睇聖誕裝飾，咁樣已經好開心啦！（有冇人約你？）都有人約，但會係成班朋友一齊過，我好耐冇試過同異性朋友單獨過聖誕，唔知今年有冇人約我呢？」

Mandy承認多咗異性追求。

黃文意難忘英國過白色聖誕。

問到Mandy被揭家底後，追求者可有增加？她說：「係多咗男士表示對我有興趣，但唔知係咪因為我嘅家庭背景先會咁，希望佢哋唔會誤會啦，因為我本人真係唔富裕，都要靠自己賺錢生活。現階段我打算同佢哋做住朋友先，都要時間去認識人，了解更多先可以有進一步發展。」

文：專案組

攝：司徒國榮

化妝：@princesshouseee_

髮型：Viva Hair

場地：Mini Hotel Central