伍允龍戒叉燒飯操爆肌

藝人伍允龍、王浩信與劉穎鏇等昨日為新劇《兄弟》拍攝打拳戲，伍允龍赤裸上身肌肉澎湃，相當吸睛！講到操得一身爆肌，他笑說：「唔知點解每年冬天都要除衫拍戲！（最弗狀態？）永遠都有空間再弗啲，但見到咁有效果已經好開心。（戒口？）都係蛋白質為主，瞓覺前六個鐘都唔食得澱粉質，最愛嘅叉燒飯都戒咗個幾月！」身旁變「奀仔」的浩信則笑說：「面對一班大隻佬，自己亦要努力！我都食咗全素兩個月。」他透露有機會騷肌，又笑指要向「武癡」伍允龍多多學習。