楊明：不如提名埋男主角

楊明、張振朗、何廣沛、陸浩明、黃子恆與胡鴻鈞入圍爭奪今年的「飛躍進步男藝員」，當中入行多年及於馬來西亞電視頒獎禮攞過「男飛躍」及男配角獎的楊明，上台拉票時不禁笑說：「我又係飛躍啦！證明公司覺得我後生，有進步空間！」他又自言身為「老屎忽」，叫身旁的黃子恆加油。提到與袁偉豪憑《打工捱世界》入圍「最受歡迎電視拍檔」，楊明坦言睇淡：「飛躍都攞唔到，呢個咁多人爭咪仲難！反正都係提名，不如提名埋男主角！」