Twins撇甩男友掘金過聖誕
今個聖誕節蔡卓妍（阿Sa）和鍾欣潼（阿嬌）一如以往孖住出席商演掘金，惟心情與去年不同，皆因是兩人有新戀情後的首個聖誕。對於未能在男友身邊共度佳節，問男友可有微言？阿Sa說：「唔係嘅，有唔係正日慶祝嘛，大家都活咗咁多年，仲係小學生咩。」阿嬌亦說：「同生日一樣，都覺得活咗咁多年，冇乜所謂。」
這樣撇甩男友，問兩人會放心嗎？阿Sa認為男友都有自己圈子朋友，阿嬌則指男友已絕迹夜店派對：「自從佢同咗我一齊就好少飲酒，冇飲過添。（為你戒酒？）因為我都冇飲，佢又冇乜機會飲。」阿嬌男友靚仔又細心，更提早送上聖誕禮物，難怪她甜到爆說：「送咗添啦！因為唔係度度都買到。（啱心水？）就係啱心水佢先畀錢。」
最驚朋友周圍嘔
至於聖誕Party，兩人笑言攝到時間就去玩吓，阿Sa稱不愛做搞手，但最後總要「出手」，然而每次Party完後她都嗌「咪搞」：「試過好多朋友同時『劏』（嘔），佢哋唔係嘔喺廁所，係周圍嘔，自此我都唔好意思再去嗰個場。」問她試過醉到嘔嗎？阿Sa坦言：「我梗係有試過劏啦，但唔會咁張揚咁嘔法，有啲朋友係醉到不省人事。」講到最難忘的交換禮物，阿Sa笑言抽到三條廁紙，但她喜歡這種將家中廢物用來抽獎，因為是最好的「散貨」機會！
攝：劉斌、林蔚恩
場地：如心銅鑼灣海景酒店
化妝：Yanne Lee@ndnco.co
髮型：Keith Wong（阿嬌）、Kate Shek（阿Sa）
服裝：VIVETTA（阿嬌）
Phillip Lin（阿Sa）