陳嘉莉挑戰SM戲力保三點
藝人陳嘉莉（Kelly）與張建聲拍拖半年，昨日傳出男方背住Kelly密會富家女，Kelly昨日回覆時笑說：「好彩我識個女仔，如果唔係佢（張建聲）就慘喇！佢要返去跪玻璃，好彩佢好乖亦好有交帶，我都放心嘅。」談到明年的工作大計，她透露工作上會有重大突破，她將參演主題與閨蜜及性有關的網劇，除了要獻出螢幕初吻外，當中更不乏SM戲份，她說：「激情戲一定會有，我嘅底線係三點不露，我個角色性格好鍾意新奇刺激嘢，人哋講乜我都好勇於嘗試。」
為角色夜蒲
Kelly坦言角色性格跟自己不太相似，老闆蕭定一更鼓勵她去蒲吧見識﹕「我本身唔鍾意蒲，只係間中同朋友去酒吧傾心事，為咗呢套劇有去蒲吧。（有冇畀人撩？）咁又冇，因為我身邊好多朋友，好安全，我只係觀察吓周邊啲環境。（有冇叫你參考吓咩角色﹖）《色慾都市》，其實我初時接受唔到，因為太大膽，我個人唔係咁Open，但個角色好有挑戰性，做演員唔應該有框架，希望可以突破自己。」
聖誕將至，來自廣州的Kelly最初不太重視聖誕，來港後才感受到濃濃的聖誕氣氛：「最深刻係去年同幾個閨蜜一齊慶祝，我哋仲自己燒火雞，整得好成功，因為我嘅廚藝向來都OK。（想過白色聖誕？）都想，但係經常撞正要開工，仲未有機會試。」
文：名人組