雷頌德夫婦受浸關係更和諧
音樂人雷頌德與太太梁家玉（Jade）早前一起受浸成為基督徒，擁有共同信仰，Jade開心表示與老公關係更和諧：「屋企人嘅關係更加好，唔係之前唔好，係更加好，可能更加懂得體諒大家、尊重大家，變得和諧咗，神要我哋咁樣活出我哋嘅生活，真係好緊要。兩夫妻一齊相信係好緊要，係其中一個好大嘅得着，好開心。我哋依家會擺咗神行先，唔會諗自己太多，好多嘢就會變好，係我學嘅嘢其中一樣。」
Jade續指感到自己的眼睛、耳朵和感受都像打開了一樣，整個人想法和看法都改變，並學識感恩：「知道呢個世界嘅嘢唔係為自己而來，唔再用自己膊頭去擔晒所有重任，個人就開心好多，更加知道人生係乜嘢，更加樂觀，冇咗懼怕，每一日去學做一個好人。（依家照顧患有亞氏保加症嘅囝囝雷鳴感覺會唔會輕鬆咗？）未認識上帝時，覺得小朋友係個天畀我，都要用手湊大，點辛苦都要好好照顧佢。」她又指待兒子16歲時，也會讓兒子受浸。
