羅仲謙帶老婆睇燈飾任影唔嬲
羅仲謙近日代表劇組為新作《西遊記女兒國》遠赴廣州領獎，更透露聖誕或會與太太楊怡外出睇燈飾，笑言若有緣，粉絲隨時可以野生捕獲兩人！
影星郭富城、趙麗穎、馮紹峰及羅仲謙孭飛的魔幻動作片《西遊記女兒國》，將於2018年賀歲檔上映，近日更屢傳喜訊，電影日前於廣州舉行的《2017年電影之夜》獲封為「年度最受期待系列電影」，阿謙更以劇組代表身份領獎。
內地巡迴宣傳新片
已第三次演沙僧的他，指整個團隊對該片付出了很大心血，故信心十足，認為作品絕不會有負觀眾所望。問到為何僅得他單拖亮相？阿謙說：「我係先頭部隊，之後大隊會陸續集合，呢晚我本身都有嘢做，好在最後都調動到嚟支持吓！」更指該片除稍後於廣州舉行見面會外，還會到內地7、8個城市作連串宣傳，預料一日走一個城市，行程緊湊。
提到臨近聖誕，阿謙揚言終可與太太楊怡一起慶祝：「好開心可以夾到時間，不過出埠就趕唔切嘞！（趁機造人？）順其自然啦，總之有好消息就會通知大家！（出外睇燈飾？）會搞Party，睇燈飾都諗緊，其實香港燈飾都好靚，到時同阿怡一齊去感受吓節日氣氛，睇吓有冇緣喺街撞到大家啦！」
文：影視組