張文慈怕醜「出嫁」
藝人張文慈（Pinky）前晚出席牧師吉中鳴於旺角麥花臣場館舉行的演唱會，獲好友尹天照和林雅詩現身撐場。Pinky受訪時害羞地宣布「人生大事」：「我要嫁畀耶穌，等陣會換婚紗唱由牧師為我度身訂造嘅詩歌《甜蜜》，真係好緊張，我當正自己出嫁！」
提到亞洲電視「重出江湖」，Pinky表示：「希望呢個圈子做到百花齊放。（知唔知會重拍《我和殭屍有個約會》？）我諗拍唔番嗰個味道，始終經典係經典。（會唔會過檔幫手？）應該唔會，我依家都簽咗無綫約。」另外，尹天照亦指早已聽聞亞視「復出」，笑言想拍《我和牧師有個約會》。
