唔記得老婆生日陳柏宇氹到口水乾

歌手陳柏宇昨日到電台宣傳新碟，他指碟中歌曲有自己真正想表達的想法，其中《閱後即焚》講忘記是件好事，問可會記得紀念日？他笑說：「記得，但點解成日都要男仔記得，女仔記得唔可以提吓，硬要人哋（子貝）鑊先開心。（你試過？）試過唔記得老婆生日，我連阿媽生日都唔記得，可能個腦有問題。（點補償？）好慘o架！講到口水都乾、要氹。」問到最近可有激親老婆？他坦言最近忙工作，少見面，但聖誕節可以陪她，不過不會過二人世界，而是開派對或陪家人，他笑說：「過時過節二人世界好戇居。（咁唔浪漫？）我專唱反調，鍾意喺唔浪漫嘅日子先浪漫。」