張智霖掛住玩電話老婆做咕喱

家中已有兩隻愛犬的Chilam，雖然不時被咬傷，但依然對牠們寵愛有加，更經常買新玩具給家中的小狗耍樂，愛心爆棚的Chilam不愧為愛護動物大使。

抱住起勢摸

日前晚上7時許，Chilam與老婆靚靚現身銅鑼灣一間寵物店，兩公婆見到店內的可愛小狗，即着店員拿出來玩，見他們都表現得十分雀躍。Chilam對其中一隻白色小狗愛不釋手，除踎低抱住起勢摸，還不時對住小狗甜笑，即使老婆指着另一隻小狗，Chilam都沒理會，眼中只有面前的白色小狗。

司機落車幫手

靚靚有見及此，惟有獨自為家中愛犬選購零食及用品，而Chilam就繼續玩狗，直至老婆去付款，才把狗仔交還店員。其後靚靚拎住超大袋戰利品步出寵物店，Chilam竟然不為所動，顧住玩視像電話唔幫手，司機見狀即急急落車幫忙，把大袋寵物用品搬上車。

好彩司機醒目，即刻落車幫手拎嘢。	靚靚手持戰利品步出時，Chilam竟只顧和電話中人揮手。	放大圖片

文、攝：追蹤組