嘔足3個月熊黛林挺肚開工見暈

懷孕5個月的名模熊黛林（Lynn）前晚出席首映禮，穿四吋高踭鞋兼凸晒肚的她，出場時獲工作人員扶實，她透露懷孕初期嘔足3個月，老公對此大感心痛，問到腹中BB性別？Lynn裝神秘道：「知道，但唔講住。（訂咗床位未？）老公負責，會喺香港生。（預產期幾時？）唔講啦。（開刀定順產？）到時再講啦。（改咗名未？）未諗呀！（想繼續生？）生兩個先。（生到有仔為止？）睇吓點，冇咩所謂。」