馬國明執靚樣「回春」箍心穎

獲封「圈中筍盤」的馬國明與年輕15歲的無綫花旦黃心穎爆出拍拖後，每次被傳媒追問戀情時，都不時隔空打情罵俏，最近馬國明憑《降魔的》提名《萬千星輝頒獎典禮2017》視帝，身為女友的心穎亦落力為他拉票，但一直有傳女方家人嫌馬國明年紀大，應要作長時間了解，難怪二人拍拖至今仍未互見家長。

結婚先至公布

戀情受壓的馬國明近日未有新劇在身，但也沒有約會女友，反而一星期內往銅鑼灣做足三次Facial執靚樣回春。昨午約3時，馬國明又出動，離開寓所時被問到最近與心穎甚少見面，他說：「唔講咁多啫！無謂講咁多，一路都係了解中，如果有公布，就可能係結婚或者咩囉（意指分手）！我哋唔想食咗咩飯、睇咗咩戲都要交代得咁Detail，兩個人嘅事。（點形容同心穎嘅關係？）幾好呀！幾好！（係咪男女朋友？）了解中啦！未一齊都一直係了解中啦！（依家係咪去搵心穎？）唔係呀，我依家去做Facial呀！」之後他便步往取車，途中被女街坊拉着合照。馬國明之後驅車往銅鑼灣扮靚，期間更不停撳電話，看來是向女友報告。

黃心穎得知男友去做Facial，即笑指自己想做都冇時間。	馬國明被長髮女街坊捕獲合照，冇話Say No！	到美容院前，馬國明頻頻撳電話，似向女友報告行蹤。

預告一齊倒數

至於心穎接受本報電話訪問時，似乎已跟男友夾定口供，她說：「我哋感情冇變，正如馬國明所講，拍拖唔一定要畀人影到嘅，我哋了解中，佢又忙拍戲，我又忙拍劇同排舞，大家各有各忙，我哋有Keep住聯絡。（有冇人斟你哋情侶檔演出？）有，我哋倒數會同場。」提到馬國明有時間做Facial卻沒有約她拍拖，心穎即笑說：「我冇時間做Facial喎！」

文、攝：追蹤組