唔喺好朋友之列張智霖同樂仔割席？
藝人張智霖、童愛玲及前新聞主播蔡雪瑩昨日出席芭蕾舞活動，問到張智霖小時候有甚麼課外活動？他笑言：「冇，細個唔使學任何嘢，主要係發呆同玩，咁o既生活幸福啲，所以我都幫小朋友爭取呢啲狀態。」又透露太太有不同看法：「但都係啱，有啲係有用，好似學游水係求生技能。（多數太太做壞人，你做好人？）唔係特別去配對，係自然形成。」
另外，有傳余文樂與時裝店老闆沈嘉偉因品牌合作問題而反目，身為兩人好友的張智霖稱不知情：「你哋問番當事人。（最近少見余文樂？）各有各忙。（朋友間冇金錢瓜葛會好啲？）唔係，我同沈嘉偉、郭富城都係好朋友。」說話頗有弦外之音。
至於已有一子的蔡雪瑩將再為人母，懷孕三個多月的她透露佗B女：「好開心，好心急買母女裝。」而童愛玲透露其左腳三條韌帶撕裂，計劃聖誕節到北海道旅行的她，要在腳上套上鐵架才能滑雪。