曹永廉一片苦心撩黎耀祥把火
視帝黎耀祥、蕭正楠及曹永廉等昨日宣傳節目時互爆對方笑料，阿蕭先爆阿廉旅程期間買底褲給太太，及後更轉移目標到黎耀祥身上，指阿廉於夜市買喱士短裙給祥嫂，藉此給黎耀祥添情趣追個女，認真抵死！
黎耀祥、蕭正楠、曹永廉及黃浩然昨日出席無綫節目《公公出埠》宣傳，黎耀祥透露拍攝無綫劇集《大太監》後，與眾男成為好友，非常高興今次公司安排他們主持節目兼到布吉免費旅遊。而阿蕭則踢爆阿廉旅程期間從潮物至女人底褲也買給太太，不過阿蕭亦被兄弟爆屋企好亂！及後於大會的拍攝花絮中，黎耀祥表示一提起阿蕭女友黃翠如便被踢落水，場面惹笑。
唔諗追女等抱孫
及後阿蕭被問到是否兄弟於節目內提及翠如便踢對方落水？他笑指當時進行遊戲環節，原定答錯才被踢落水，但眾人玩得太投入，答對與否也要齊落水。而被指買女人底褲的阿廉，就自誇不一定要給太太，在旁的阿蕭即插嘴說：「其實阿廉係想益黎耀祥，當晚喺夜市度，係買咗條短喱士裙畀祥嫂（黎耀祥太太）着，等佢追番個女嘅。」不過黎耀祥就笑指至今仍未收到，被問到是否想追個女？他表示沒此想法：「佢哋亂噏，追多個唔掂，惟有等個仔快啲大，抱孫。」對於節目少了另一位兄弟陳國邦，黎耀祥指對方時間上難以配合，認為稍後總有機會再合作。
文：影視組