名牌：宋熙年咀壽星老公陳智燊想造X'masBB

前日40歲生日的Jason獲CORUM崑崙表亞洲區品牌總監孫文宗及大中華董事總經理藍銘偉送上生日蛋糕祝賀，又有太太Sarah陪慶生，二人即肉緊錫錫，甜到爆。Jason表示前日早上6時收工，凌晨12時生日在廠度過，更獲Sarah驚喜探班送上蛋糕。

送手表讚保值

Sarah表示冇見老公兩、三日：「佢返嚟，我就開工同瞓咗，可以一齊搵錢又過生日，唔係都冇得見，多謝客戶。咁我尋（前）日收工有時間就Last Minute買細蛋糕，同龔嘉欣佢哋夾幾點收，我見佢今年齊頭（40歲），特別啲先入去畀驚喜。」Jason笑言Sarah太掛住自己。Sarah表示想送手表給Jason，因為保值，反而車就會貶值。

陳智燊生日與老婆宋熙年肉緊攬實又咀嘴，大放閃光彈。	適逢陳智燊生日，獲品牌高層CORUM崑崙表亞洲區品牌總監孫文宗（左）及CORUM崑崙表大中華董事總經理藍銘偉（右）送上蛋糕為他慶生。	名模Ana R.（右二）與遊艇達人幸正權伉儷及兒子Justin。

外遊造人熱辣辣

他們透露聖誕節想去東南亞地方如泰國及越南旅行，因為怕凍，想曬太陽。問到Jason生日願望？他直言生活檢點、要有突破及努力工作。問到是否想生B？Sarah坦言想要狗年BB：「等放鬆吓先，調理身體。（度假造聖誕BB？）我都想，承你貴言。」

陳倩揚（左起）、著名珠寶設計師馬倩珩、著名時裝設計師張永康。	模特兒 Krissi Cristina	派對上有舞蹈表演，場面熱鬧。

另外，Sarah表示鍾情品牌自動玫瑰金腕表，夠保值，笑言婚後愛上鑽石，等老公送鑽石腕表。而Jason透露對腕表愈來愈挑剔而且有研究，除了外形，都注重機芯。

文：名人組