劇集變電影 惠英紅：唔刻意諗攞獎
【陳柏宇、鄭家俊澳門直擊】影后惠英紅、謝君豪、J.Arie及導演葉念琛等昨晚到澳門出席第二屆澳門國際影展暨頒獎典禮，為主演劇集踏上紅地氈，該劇特別剪輯成一個90分鐘電影版本播放。
謝君豪表示年中入劇組時已恭喜惠英紅奪得香港電影金像獎影后，到現在要再恭喜她贏埋金馬獎。問新劇下月播出之後會否有機會再有獎攞？惠英紅說：「唔會刻意諗，但個劇本真係好。（拍埋電影版？）咁要再傾過喇！（之後有咩工作？）聖誕可以喺香港過，1月2日要離開香港去拍劇，延期咗好耐喇！」
至於J.Arie表示今次破格演黑面警察，劇中經常被打，試過不慎撞傷腰。